പി.കെ.കുമ്പസാരക്കുട്ടി

പി.കെ.കുമ്പസാരക്കുട്ടി

കുഞ്ഞാലിക്കുട്ടി വീണ്ടും കുമ്പസരിക്കുകയാണ്. തനിക്ക് ചില തെറ്റുകൾ സംഭവിച്ചുപോയി. അതിന്റെ ഫലം താൻ അനുഭവിക്കുന്നു. ഇപ്പോൽ ഇതാ തനിക്ക് വധഭീഷണി! വധഭീഷണി നടത്തുന്നതോ സ്വന്തം ഭാര്യാസഹോദരിയുടെ ഭർത്താവ് റൌഫ്. തന്റെ സുഖത്തിലും ദു:ഖത്തിലും ഒക്കെ ഒപ്പമുണ്ടായിരുന്ന റൌഫ്. അപ്പോൾ ഇനി കുറച്ചുനാൾ റൌഫ് ആണ് താരം. കുറെ കാലമായി തന്നെ റൌഫ് ബ്ലാക്ക് മെയിൽ ചെയ്യുകയായിരുന്നുവത്രേ. അങ്ങനെ താൻ ഭരണത്തിലിരിക്കുമ്പോൾ പലകാര്യങ്ങളും നേടിയിട്ടുണ്ടത്രേ.

അപ്പോൾ രണ്ടു കാര്യങ്ങൾ അദ്ദേഹം സമ്മതിക്കുന്നു. ഒന്ന് തന്നെ മറ്റൊരാൾക്ക് ബ്ലാ‍ക്ക് മെയിൽ ചെയ്യാൻ തക്ക വണ്ണം എന്തൊക്കെയോ തെറ്റുകൾ താൻ ചെയ്തിരിക്കുന്നു. റൌഫിനും കൂടി ബോധ്യമുള്ള അഥവാ രണ്ടുപേരും അറിഞ്ഞ് ഒറ്റയ്ക്കും കൂട്ടായും പല തെറ്റുകളും ചെയ്തിട്ടുണ്ട്. അത് വച്ചാണ് റൌഫ് കളിക്കുന്നത്. ഇവിടെ റൌഫിന് എന്തും വെളിപ്പെടുത്താം. റൌഫ് എന്തെങ്കിലും തെറ്റുകൾ ചെയ്തിട്ടുണ്ടെങ്കിൽ തന്നെ റൌഫിന് അത് പ്രശ്നമല്ല. കാരണം റൌഫ് ഒരു പൊതു പ്രവർത്തകൻ അല്ല. പക്ഷെ അതല്ലല്ലോ കുഞ്ഞാലിക്കുട്ടിയുടെ കാര്യം. പലതും വെളിപ്പെടുത്തിയാൽ അദ്ദേഹത്തിന്റെ രാഷ്ട്രീയഭാവിയെ അത് ബാധിക്കും.

രണ്ടാമത് ശ്രദ്ധിക്കേണ്ട കാര്യം, തന്നെ ബ്ലാക്ക് മെയിൽ ചെയ്തും തന്റെ ബന്ധു എന്ന നിലയിലും യു.ഡി.എഫ് ഭരണകാലത്ത് റൌഫ് പലതും നേടിയെടുത്തിട്ടുണ്ട് എന്ന വെളിപ്പെടുത്തലാണ്. അപ്പോൾ ഭരണാധികാരം ഉപയോഗിച്ച് പല അവിഹിതമായ കാര്യങ്ങളും ചെയ്തിട്ടുണ്ട് എന്നും കുഞ്ഞാലിക്കുട്ടി പരോക്ഷമായി സമ്മതിച്ചിരിക്കുകയാണ്. അപ്പോൾ താൻ ഭരണത്തിൽ ഇരിക്കുമ്പോൾ ചെയ്തിട്ടുള്ള അഴിമതിയും എല്ലാവിത അവിഹിതങ്ങളും റൌഫ് ബ്ലാക്ക് മെയിൽ ചെയ്തതുകൊണ്ട് മാത്രം സംഭവിച്ചതാണെന്നും വേണമെങ്കിൽ വരുത്തിതീർക്കാം.

അങ്ങനെ ഒരാൾ ബ്ലാക്ക്മെയിൽ ചെയ്യുമ്പോൾ അതിന് നിന്നു കൊടുക്കണമെങ്കിൽ ബ്ലാക്ക് മെയിൽ ചെയ്യുന്ന ആളെ ഭയം ഉണ്ടെന്നല്ലേ? എങ്കിൽ എന്തിനാണ് ആ ഭയം? പറഞ്ഞു കുമ്പസരിച്ചോളൂ. റൌഫ് എല്ലാം പറയുന്നതിനു മുമ്പ് ജനങ്ങളോട് തുറന്ന് കുമ്പസരിച്ചാൽ അതായിരിക്കും നല്ലത്. പണ്ട് ലീഗിന്റെ കമ്മിറ്റിയിലും ഷിഹാബ് തങ്ങളുടെ മുമ്പിലും ഒക്കെ ഒത്തിരി കുമ്പസരിച്ചതല്ലേ? ഇടയ്ക്കിടെ കുമ്പസരിക്കുന്നത് നല്ലതാണ്. മന:ശാന്തി കിട്ടും.

പൊതു പ്രവർത്തവർ തങ്ങളുടെ പൊതു ജീവിതത്തിലും വ്യക്തി ജീവിതത്തിലും പുലർത്തേണ്ട മാന്യതകൾക്കും മര്യാദയ്ക്കും അപ്പുറത്ത് കാണിക്കുന്ന കൊള്ളരുതായ്മകളുടെ ഫലം ചിലർക്കെങ്കിലും തിരിച്ചു ഫലിക്കും. അത് ഒരു പക്ഷെ ആയിരത്തിൽ ഒരാൾക്ക് മാത്രം ആയിരിക്കും. ബാക്കിയുള്ളവർ രക്ഷപ്പെട്ടു പോകും. പക്ഷെ ഇവിടെ ആ ആയിരത്തിൽ ഒരാൾ കുഞ്ഞാലിക്കുട്ടിയായിപ്പോയി!

എപ്പോഴും അല്പം ധാർഷ്ട്യത്തിന്റെ മേമ്പൊടി ചേർന്ന സംസാരമല്ല ഇപ്പോൾ കുമ്പസരിക്കുമ്പോൾ നാം കാണുന്നത്. പെരുമാറ്റത്തിൽ എന്തൊരു നൈർമ്മല്യം. എന്തൊരു വിനയം. എത്ര സത്യസന്ധത. തെരഞ്ഞെടുപ്പ് അടുത്ത് വരികയല്ലേ? ഇനി തോൽക്കാതിരിക്കാൻ ഈ ഒരു സഹതാപം സഹായിക്കുകയും ചെയ്യും. ഒരാളെ ആരെങ്കിലും കൊല്ലാൻ ശ്രമിക്കുന്നു എന്നറിഞ്ഞാൽ അയാൾ ജനങ്ങൾ എത്ര വെറുക്കുന്നവർ ആയാലും ഒരു സഹതാപമൊക്കെ കിട്ടും.

ഇപ്പോള്‍ ആൾ ജനകീയനായി. ഇപ്പോൾ അദ്ദേഹം പാവപ്പെട്ടവരെക്കുറിച്ച് സംസാരിക്കുന്നു. പാവങ്ങൾക്ക് വേണ്ടി ചെലവഴിക്കേണ്ട സമയമത്രയും റൌഫിനെ പോലുള്ളവർക്ക് വേണ്ടി ചെലവാക്കിയതിൽ അദ്ദേഹത്തിനിപ്പോൾ പശ്ചാത്താപം ഉണ്ടത്രേ! നല്ലത്. അപ്പോൾ ഇതുവരെ- ഭരണത്തിലിരുന്നപ്പോഴടക്കം പാവങ്ങൾക്ക് വേണ്ടിയല്ല നിന്നതെന്നും സമ്മതിച്ചല്ലോ. ഇനിയങ്കിലും പാവങ്ങൾക്ക് വേണ്ടി നിൽക്കുമല്ലോ. ഇനി ധൈര്യമായി കുറ്റിപ്പുറത്തെന്നല്ല എവിടെയും മത്സരിക്കാം.

നോക്കണേ, ഈ റൌഫ്. ആള് ചില്ലറക്കാരനാണോ? ഒരാളെ കൊല്ലാൻ ശ്രമിക്കുക. അതും ഒരു ബന്ധുവിനെ. അതും മംഗലാപുരത്ത് നിന്ന് കൊട്ടേഷൻ സംഘത്തെ ഇറക്കിയിട്ട്! അപ്പോൾ എത്ര ക്രൂരന്മാരുമായിട്ടായിരുന്നു നമ്മുടെ മുൻ മന്ത്രിയുടെ കൂട്ടുകെട്ടെന്ന് മനസിലായില്ലെ? ഇവരൊക്കെ കാണിക്കുന്ന കന്നംതിരിവുകൾക്ക് രാഷ്ട്രം തന്നെ വില കൊടുക്കേണ്ടിവരുന്നു. ഇനി സർക്കാർ ചെലവിൽ എല്ലാ സുരക്ഷയും നൽകേണ്ടേ? അന്വേഷണങ്ങൾ നടത്തേണ്ടേ?

എന്തായാലും നമ്മുടെ നാട് ഭരിച്ച ഒരു മന്ത്രിയല്ലേ? കുറെ അംഗബലമുള്ള ഒരു പാർട്ടിയുടെ നേതാവുമല്ലേ? അദ്ദേഹത്തിന്റെ ജീവൻ നമുക്ക് എല്ലാ സുരക്ഷയും കൊടുത്ത് സംരക്ഷിക്കുക. ഇനിയും അദ്ദേഹം തെറ്റുകൾ ചെയ്ത് നാളെ ഇതുപോലെ കുമ്പസരിക്കാൻ ഇടവരില്ലെന്നും നമുക്ക് പ്രതീക്ഷിക്കാം. ചെയ്ത തെറ്റുകൾക്ക് മാപ്പ് കൊടുക്കാം. അല്ല നമ്മൾ ഇപ്പോൾ മാപ്പ് കൊടുത്തില്ലെങ്കിൽ തന്നെ പുള്ളിയെ ആര് എന്തു ചെയ്യാനാ? പിന്നെ നമുക്ക് മാപ്പ് കൊടുക്കുക. അത്ര തന്നെ!

അല്ലെങ്കിൽതന്നെ എല്ലാവർക്കും മാപ്പ് കൊടുക്കാൻ സദാ നമ്മുടെ ജനം ഒരുങ്ങിയിരിപ്പാണല്ലോ. എത്ര തെറ്റു ചെയ്യുന്നവരെയും ജയിലിൽ കിടന്നിട്ട് ഇറങ്ങി വരുന്നവരെയും ഖജനാവ് മൊത്തമായും എടുത്ത് വിഴുങ്ങുന്നവരെയും ഒക്കെ ജയിപ്പിക്കാൻ ജനത്തിനു മടിയൊന്നുമില്ലല്ലോ. എല്ലാം മറക്കാനും പൊറുക്കാനും ഉള്ള കഴിവ് നമ്മുടെ ജനങ്ങൾക്ക് മതിയാവോളം ഉണ്ട്. അല്ലെങ്കിൽത്തന്നെ അപ്പപ്പോൾ കണ്ടതുപോലെയാണല്ലോ നമ്മുടെ ജനാധിപത്യ ബോധം!

പരസ്യങ്ങളിലെ അശ്ലീലം

ഈ ചിത്രം ശ്രദ്ധിക്കുക. ബ്.എസ്.എൻ എല്ലിന്റെ പുതിയ ഹൈ സ്പീഡ് കണക്ഷൻ സംബന്ധിച്ച പരസ്യത്തിനൊപ്പമുള്ള ചിത്രമാണ്. കർണ്ണാടക ബി.എസ്.എനിൽ നിന്നാണ് ഈ അറിയിപ്പ് വന്നിരിക്കുന്നത്. ഇപ്പോഴും ബി.എസ്.എൻ.എൽ സർക്കാരിന് ഓഹരിയുള്ള ഒരു സ്ഥാപനമാണ്. അതിൽ പോലൂം സ്ത്രീകളെ വില്പനച്ചരക്കാ‍ക്കുന്ന പരസ്യമാണ്. പകുതി കീറി കളഞ്ഞ നിക്കറുമിടുവിച്ച് നിർത്തിയിരിക്കുകയാണ് ഈ പെൺ കുട്ടിയെ! മാന്യമായി നമ്മുടെ രാജ്യത്തിന് ഇണങ്ങുന്ന വസ്ത്രം ധരിപ്പിച്ച് പരസ്യം ചെയ്താൽ ആരു ശ്രദ്ധിക്കാൻ? ഇനി ഉപഭോക്താക്കളെല്ലാം ഇമ്മാതിരി വസ്ത്രം ധരിച്ചു കൊണ്ട് നെറ്റ് ഉപയോഗിക്കാണോ ആവോ! സ്ത്രീശാക്തീകരണം സ്ത്രീകളെല്ലാം ജെട്ടി ഇട്ടുകൊണ്ടാകട്ടെ. പാർളമെന്റിൽ സ്ത്രീ സംവരണം നടപ്പിലാകുമ്പോൾ വനിതാ എം.പിമാർ എല്ലാം ഇതുപോലെ സൌകര്യാർത്ഥം ജെട്ടിയും ബനിയനുമിട്ട് കയ്യിൽ ലാപ് ടോപ്പുമായി പോട്ടെ. പൊതു പ്രവർത്തകർ വസ്ത്ര ധാരണത്തിലും സിമ്പിൾ ആയിരിക്കണമല്ലോ. ഇനിയും വേണമെകിൽ നിക്കർ വെട്ടി പൊക്കി കൂടുതൽ സിമ്പിൾ ആകാം. ആ ബനിയനും കുറച്ചും കൂടി മേലോട്ട് വെട്ടി കയറ്റാവുന്നതേ ഉള്ളു. വയറിൽ ഒക്കെ എന്തു പള്ളിരിക്കുന്നു? ആകെ ക്കൂടി പെണ്ണുങ്ങൾക്ക് രണ്ടിടത്തല്ലേ പള്ളുള്ളു. ആണുങ്ങൾക്കാണെങ്കിൽ കേവലം ഒരിടത്തും. ആ പടത്തിലുള്ള പെൺകുട്ടിയൊട് ഇങ്ങനെ എഴുതെണ്ടിവന്നതിൽ ക്ഷമ ചോദിക്കണം എന്നുണ്ട്. പക്ഷെ ചോദിക്കുന്നില്ല. കാരണം കുട്ടിയ്ക്ക് അങ്ങനെ നിൽക്കാമെങ്കിൽ നമുക്ക് എഴുതുകയും ചെയ്യാം. പരസ്യത്തിലായാലും യഥാർത്ഥ ജീവിതത്തിലായാലും സ്ത്രീകൾ ഇങ്ങനെ അടിവസ്ത്രങ്ങളായ നിക്കറും ബനിയനും മീതെ മാന്യമായ വസ്ത്രം ധരിച്ചേ മതിയാകൂ. നിങ്ങൾ ആ‍ അടിവസ്ത്രങ്ങൾക്ക് ടീ ഷർട്ടെന്നും, ജെട്ടിക്ക് ബർമ്മുഡയെന്നും ഒക്കെ പരഞ്ഞെന്നിരിക്കും. പക്ഷെ നിങ്ങളോളം പുരോഗമിച്ചിട്ടില്ലാത്ത പാവം ഞങ്ങൾക്കിവ ജെട്ടിയും ബാഡിയുമൊക്കെയാണ്. എന്തായാലും ഗവർണ്മെന്റിനു ഓഹരികളുള്ള സ്ഥാപനങ്ങളെങ്കിലും ഇത്തരം പെൺ പരസ്യങ്ങൾ കൊടുക്കുന്നത് ഒഴിവാക്കേണ്ടതാണ്. എനിക്ക് മനസ്സിലാകാത്തത് ഈ ബി.എസ്.എൻ എല്ലിന്റെ കണക്ഷനും സ്ത്രീയുടെ തുടകളുമായി എന്തു ബന്ധമാണുള്ളത് എന്നാണ്.

മേൽകാണിച്ച ചിത്രം താരതമ്യേന അശ്ലീലം കുറവാണെന്നറിയാം. അതിനെക്കാൾ അശ്ലീലമുള്ള ചിത്രങ്ങൾ ചില സർക്കാർ പരസ്യങ്ങളിൽ കണ്ടു വരുന്നുണ്ട്. അത് ഇപ്പോൾ തപ്പി എടുക്കാൻ സമയമില്ലാത്തതുകൊണ്ട് കിട്ടിയത് ഇട്ടുവെന്നുമാത്രം. എന്തായാലും സ്ത്രീകളെ വില്പന ചരക്കാക്കുന്ന പാസ്യങ്ങളിൽ നിന്ന് സർക്കാർ ബന്ധമുള്ള സ്ഥാപനങ്ങൾ ഒഴിഞ്ഞു നിൽക്കണം

ബച്ചന്‍ ബ്രാന്‍ഡ് അംബാസിഡറാകില്ലെന്ന് യെച്ചൂരി

മതൃഭൂമി വാർത്ത

ബച്ചന്‍ ബ്രാന്‍ഡ് അംബാസിഡറാകില്ലെന്ന് യെച്ചൂരി

ന്യൂഡല്‍ഹി: ഗുജറാത്ത് സര്‍ക്കാരിന്റെ ബ്രാന്‍ഡ് അംബാസിഡറായ നടന്‍ അമിതാഭ് ബച്ചനെ കേരളാ ടൂറിസത്തിന്റെ ബ്രാന്‍ഡ് അംബാസിഡറാക്കാനുള്ള ടൂറിസം വകുപ്പിന്റെ നീക്കത്തിനെതിരെ സി പി എം കേന്ദ്രനേതൃത്വം രംഗത്ത്. ഗുജറാത്തിന്റെ ബ്രാന്റ് അംബാസിഡര്‍ പദവിയിലുള്ള അമിതാഭ് ബച്ചനെ കേരളത്തില്‍ അതേസ്ഥാനത്ത് നിയമിക്കുന്നതിനോട് പാര്‍ട്ടിക്ക് യോജിപ്പില്ലെന്നും ബച്ചനെ ഈ പദവിയില്‍ നിയമിക്കില്ലെന്നാണ് താന്‍ പ്രതീക്ഷിക്കുന്നതെന്നും പോളിറ്റ് ബ്യൂറോ അംഗം സീതാറാം യെച്ചൂരി ഡല്‍ഹിയില്‍ പറഞ്ഞു.

ഇക്കാര്യത്തില്‍ പാര്‍ട്ടി കേന്ദ്ര നേതൃത്വവുമായി ആശയവിനിമയം നടത്തിയിട്ടില്ലെന്നും അദ്ദേഹം പറഞ്ഞു. ബച്ചനെ കേരളത്തിന്റെ ടൂറിസം ബ്രാന്റ് അംബാസിഡറാക്കാന്‍ മുന്‍കൈയ്യെടുത്തത് ടൂറിസം മന്ത്രിയും മറ്റൊരു പി. ബി. അംഗവുമായ കോടിയേരി ബാലകൃഷ്ണനാണ്. ഈ തീരുമാനത്തെയാണ് സീതാറാം യെച്ചൂരി ചോദ്യം ചെയ്തിരിക്കുന്നത്.

ലാല്‍സലാം, ബസു !

സ. ജ്യോതി ബസു ഇന്ന് (ജനുവരി 17) അന്തരിച്ചു

കൊല്‍ക്കത്ത: വംഗദേശത്തെ ചുകപ്പിച്ച സമരനായകന്‍ ജ്യോതിബസു അന്തരിച്ചു. ഒമ്പത് ദശകങ്ങളായി പ്രകാശമേകിയ വംഗജ്യോതി അസ്തമിക്കുമ്പോള്‍ മറയുന്നത് ഇന്ത്യന്‍ വിപ്ളവ പ്രസ്ഥാന ചരിത്രത്തിലെ സമരഭരിതമായ ഒരധ്യായമാണ്. കൊല്‍ക്കത്തസാള്‍ട്ട് ലേക്കിലെ എഎംആര്‍ഐ ആശുപത്രിയില്‍ ഞായറാഴ്ച രാവിലെ 11.47നായിരുന്നു അന്ത്യം. മൂന്ന് ദശകത്തോളം ബംഗാളിലെ മുഖ്യമന്ത്രിയായിരുന്ന അദ്ദേഹത്തിന് 95 വയസായിരുന്നു. ആരോഗ്യസ്ഥിതി മോശമായതിനാല്‍ ദീര്‍ഘനാളായി പാര്‍ടി പ്രവര്‍ത്തനങ്ങളില്‍നിന്ന് ഒഴിഞ്ഞ് നില്‍ക്കുകയായിരുന്നു അദ്ദേഹം. പുതുവര്‍ഷദിനത്തില്‍ ന്യുമോണിയ ബാധിച്ച് സാള്‍ട്ട് ലേക്കിലെ ആശുപത്രിയില്‍ പ്രവേശിപ്പിച്ചത്.

ബദല്‍ സര്‍ക്കാര്‍ ഉണ്ടാകും: കാരാട്ട്

ബദല്‍ സര്‍ക്കാര്‍ ഉണ്ടാകും: കാരാട്ട്

ചേര്‍ത്തല: യുപിഎയില്‍ ഘടകകക്ഷികളായി അവശേഷിക്കുന്നത് മുസ്ളീം ലീഗും ഡിഎംകെയും മാത്രമാണെന്ന് സിപിഐ എം ജനറല്‍ സെക്രട്ടറി പ്രകാശ് കാരാട്ട് പറഞ്ഞു. കോഗ്രസ് തന്നെ യുപിഎ പിരിച്ചുവിട്ട മട്ടിലാണ്. എന്നാല്‍ നാല് ഇടതുപക്ഷ പാര്‍ടികളും ആറ് പ്രാദേശിക പാര്‍ടികളും ചേര്‍ന്നാണ് തെരഞ്ഞെടുപ്പിന് മുമ്പായി മൂന്നാം മുന്നണി രൂപീകരിച്ചിരിക്കുന്നത്.

തെരഞ്ഞെടുപ്പിനുശേഷം മറ്റ് മതനിരപേക്ഷ കക്ഷികളുംകൂടിച്ചേര്‍ന്ന് കോഗ്രസ് ഇതര ബിജെപി ഇതര സര്‍ക്കാര്‍ ഉണ്ടാക്കാന്‍ കഴിയുമെന്ന ആത്മവിശ്വാസമുണ്ട്. പൊതുമിനിമം പരിപാടിയില്‍ രണ്ട് കാര്യങ്ങളാണ് യുപിഎ സര്‍ക്കാര്‍ നടപ്പാക്കിയത്. ഒന്ന് തൊഴിലുളറപ്പ് പദ്ധതി, രണ്ട് വനാവകാശ നിയമം. ഇവ രണ്ടും നടപ്പായത് ഇടതുപക്ഷത്തിന്റെ സമ്മര്‍ദം മൂലമാണ്.

സമാജ്വാദി പാര്‍ടിയുടെ എതിര്‍പ്പുമൂലമാണ് വനിത ബില്‍ പാസാക്കാതെ വന്നതെന്നും കാരാട്ട് പറഞ്ഞു.

(ദേശാഭിമാനിയിൽനിന്ന്‌)

വർഗ്ഗീയ സദാചര പോലീസ്

വർഗ്ഗീയ സദാചര പോലീസ്

മാംഗ്ളുരുവിലെ ശ്രീരാമസേനാ അക്രമങ്ങൾ ഒറ്റപ്പെട്ടതും താൽകാലികവും ആയ സംഭവങ്ങൾ എന്നു ധരിച്ചെങ്കിൽ തെറ്റി. അവിടെ സംഭവങ്ങൾ ആവർത്തിച്ചുകൊണ്ടേയിരിക്കുന്നു.മാത്രവുമല്ല അക്രമങ്ങൾ കേരളാതിർത്തിഭേദിച്ച് ഇങ്ങോട്ടു കടക്കുന്നതായും റിപ്പോർട്ടുകൾ വരുന്നു.

ഏറ്റവും അവസാനമായി റിപ്പോർട്ട് ചെയ്യപ്പെട്ടിരിക്കുന്നത് പഠന പ്രോജക്ടിന്റെ ഭാഗമായി വിവരശേഖരണത്തിനിറങ്ങിയ അദ്ധ്യാപകരും വിദ്യാർത്ഥികളും അടങ്ങുന്ന സംഘത്തെ സദാചാരപോലീസ് ആക്രമിച്ചു എന്നാണ്. വ്യത്യസ്ഥ മതവിഭാഗക്കാർ ഒരുമിച്ച് സഞ്ചരിക്കുന്നു എന്നതാണ് ആക്രമണ കാരണം.


മറ്റൊന്ന് അവിടെ ശ്രീരാമസേനയെക്ക്തിരെ മുസ്ലീം തീവ്രവാദി സംഘവും രംഗത്തുവന്നിരിക്കുന്നു എന്നതാണ്.അവർ പോലീസ് സേറ്റഷൻ പരിസരത്ത് തമ്മിൽ അടിച്ചുവത്രേ! എത്ര നല്ല പോലീസ് സേറ്റഷനായിരിക്കും അവിടെ എന്ന് ഊഹിക്കുക.

ഹിന്ദുത്വത്തെ പരാമർശിക്കുന്ന എന്തെങ്കിലും പോസ്റ്റിട്ടാൽ എടുത്തുചാടി കമന്റിടുന്ന കാവിബ്ലോഗർമാരും മുസ്ലീം തീവ്രവാദിബ്ലോഗർമാരും ഈ സദാചാര പോലീസ് സംഭവങ്ങളെ പറ്റി എന്ത് കമന്റിടുന്നു എന്നറിയുന്നതിൽ താല്പര്യമുണ്ട്.

ഇതും കൂടി കാണൂ

സി.പി.ഐ എന്ന കുളം കലക്കികൾ

സി.പി.ഐ എന്ന കുളം കലക്കികൾ

എന്താണീ സി.പി.ഐ? ആരാണീ സി.പി.ഐക്കാർ? എത്രത്തോളമുണ്ട് ഇവരുടെ ജനപിന്തുണ? എന്തൊക്കെയാ‍ണ് അവരുടെ പ്രവർത്തന പരിപാടികൾ? ആരോട്‌, എന്തിനോടാണ് ഇവർക്കു കൂറ്‌? സ.വെളിയത്തിന്റെ ഉടമസ്ഥതയിലും കൈകാര്യ കർത്ത്‌ത്വത്തിലും ഉള്ള ഒരു പ്രൈവറ്റ്‌ ലിമിറ്റെഡ് കമ്പനി. ഓരോ തെരഞ്ഞെടുപ്പുകാ‍ലത്തും ചില നമ്പരുകളുമായി ഇറങ്ങും. അലമ്പെന്നു പറഞ്ഞാൽ മഹാ അലമ്പ്‌. രാഷ്ട്രീയമാണത്രേ രാഷ്ട്രീയം!

ഉത്സവപ്പറമ്പിൽ ജനങ്ങൾ നല്ല പരിപാടികൾ ആസ്വദിച്ചുകൊണ്ടിരിയ്ക്കെ ജനശ്രദ്ധ കിട്ടാൻ വേണ്ടി അപശബ്ദമുണ്ടാക്കുന്ന മദ്യപാനിയെപ്പോലെ. പാർളമെന്ററി രംഗത്തൊന്നും നിന്ന്‌ പേരെടുത്തിട്ടില്ലാത്ത ടിയാൻ ഇങ്ങനെയൊക്കെയാണു പത്താളെ കൂട്ടുന്നത്‌. കണ്ടില്ലേ ഇദ്ദേഹമല്ലായിരുന്നോ ഒന്നുരണ്ടു ദിവസത്തെ താരം? അതും തോൽക്കുന്ന ഒരു പൊന്നാനി സീറ്റിൽ തോൽവി കുറച്ചുകൂടി ഉറപ്പു വരുത്താനുള്ള ഒരു വെപ്രാളത്തിന്റെ പുറത്ത്‌.സി.പി.എം സീറ്റു വിട്ടു കൊടുക്കാൻ തീരുമാനിച്ചു. അതായത്‌ അറാവിലയ്ക്ക്‌ ഒരു സീ‍റ്റിൽ തോൽവി ഉറപ്പാക്കി. പൊന്നാനി കൂടി കിട്ടിയാലേ സി.പി.ഐയുടെ ദേശീയ പാർടി അംഗീകാരം നില നിർത്താൻ കഴിയൂ എന്നതായിരുന്നു ഇത്രയും ഹാലിളക്കത്തിന്റെ ഒരു കാരണം എന്നതു വേറെ.

സത്യത്തിൽ സി.പി.ഐ ഒരു പാർട്ടിയാണോ? ഭരണത്തിന്റെ ആനുകൂല്യങ്ങൾ പറ്റി തടിച്ചു കൊഴുക്കാനുള്ള ഒരു കോക്കസ് എന്നതിനപ്പുറം എന്ത്‌ ഐഡന്റിറ്റിയാണ് ഈ സാധനത്തിനുള്ളത്‌? സി.പി.എം ഈ സാധനത്തിനെ അങ്ങ്‌ കളഞ്ഞാൽ ഒരു പക്ഷെ ഒരു വട്ടമെങ്ങാനും ഒരു തെരഞ്ഞെടുപ്പിൽ പരാജയം സംഭവിച്ചെന്നിരിയ്ക്കാം. അതു കഴിഞ്ഞാൽ പിന്നെ അടുത്തവട്ടം ഒറ്റയ്ക്കു ജയിക്കാം. ഇതിനെയൊക്കെ കൂടെ നിറിത്തുന്നതാണ് ഒറ്റയ്ക്കു ഭരണം കിട്ടാൻ മാത്രം അനുകൂല സാഹചര്യങ്ങൾ സി.പി.എമ്മിന് ഉണ്ടാകാത്തതിന്റെ ഒരു കാരണം. ഇതിനെ കൂടെ നിറുത്തിയാലുള്ള പ്രയോജനം എന്താണ്? അവരുടെ ഏതാനും സ്ഥാനാർതികളെ ജയിപ്പിച്ചു കൊടുക്കണം.പക്ഷെ അവരോ?

പരമ്പരാഗതമായി സി.പി.ഐക്കാർ കോൺഗ്രസ്സുകാരേക്കാൾ പുകൽപെറ്റ സി.പി.എം വിരോധികളാണ്. സി.പി.എം വോട്ടുകൊണ്ട്‌ സ്വന്തം സ്ഥാനാർത്ഥികൾ ജയിക്കുന്നതല്ലാതെ ഒരു തെരഞ്ഞെടുപ്പിലും സി.പി. ഐക്കാർ സി.പി.എം സ്ഥാനാർഥികൾക്കു വോട്ടുകൊടുക്കുന്ന പതിവില്ല. സി.പി.എം സ്ഥനാർഥികളെ തോല്പിയ്ക്കുവാൻ കോൺഗ്രസ്സുകാരുമായി രഹസ്യബന്ധമുണ്ടാക്കുന്ന പതിവു സി.പി.ഐയ്ക്കു പണ്ടുമുതലേ ഉള്ളതാണ്. അതുകൊണ്ടു ഈ ഒറ്റുകാരെ അവരുടെ പാട്ടിനുവിട്ട്‌ കൈകഴുകുന്നതാണ് അന്തസ്സ്‌. സി.പി.എം സ്ഥ്നാർത്ഥികളെ കാലുവാരി തോല്പിയ്ക്കുക എന്നത്‌ അവരുടെ പതിവു ഒരു വിനോദമാണ്.

ഇപ്പോൾ തന്നെ വെളിയം പറഞ്ഞതു കേട്ടില്ലേ? ഏതു സാഹചര്യവും നേരിടാൻ സി.പി.ഐ ഒരുക്കമാണെന്ന്‌. പച്ച്യ്ക്കു പറഞ്ഞാൽ യു.ഡി എഫിൽ ചേരാൻ മടിയില്ലെന്നുതന്നെ. കോൺഗ്രസിനും യു.ഡി.എഫിനും ഒപ്പം കൂടാൻ ഉള്ള ഒരു മുൻ കരുതൽ സി.പി.ഐയ്ക്ക്‌ പണ്ടേ ഉണ്ട്‌. അവരെ കൂട്ടാൻ കോൺഗ്രസ്സാണെങ്കിൽ സദാ സന്നദ്ധവും. സി.പി.ഐ ഇല്ലാതെ ഒരു സീറ്റിലും സി.പി.എം ജയിക്കില്ലെന്നാണ് വെളിയം പറയുന്നത്‌. എന്നു വച്ചാൽ തങ്ങൾ തോല്പിയ്ക്കുമെന്ന്‌. അതെ, ഒരാളെ ജയിപ്പിക്കാൻ കഴിയാത്തവനും ചിലപ്പോൾ ഒരാളെ തോല്പിയ്ക്കൻ കഴിയും .ഒരു ജന പിന്തുണയും ഇല്ലാത്തവൻ ആണെങ്കിലും.കാരണം അതിനു വേറെ ചില പണികൾ ചെയ്താൽ മതി.

സ്വന്തം സ്ഥാനാർഥികളെപ്പോലും ജയിപ്പിയ്ക്കാൻ കഴിയാത്ത സി. പി.ഐയ്ക്ക്‌ പ്രാദേശിക തലം മുതൽ ഈ മറ്റേപ്പണി പണ്ടേ അറിയാവുന്നതാണ്. അതിലൊന്നാണ് കാലുവാരൽ. എത്രയോ തെരഞ്ഞെടുപ്പുകളിൽ അവർ കോൺഗ്രസുകാരുമായി ചേർന്ന്‌ ഈ പണി ചെയ്തിരിയ്ക്കുന്നു. ഈ പരാന്ന ജീവിയ്‌ക്ക്‌ എൽ.ഡി.എഫിൽ തന്നെ നിൽക്കണമെന്നു നിർബന്ധമൊന്നും ഇല്ല. എൽ.ഡി എഫിനൊപ്പം നിന്നാൽ സി.പി.എം മുന്നണിതാല്പര്യം മുന്നിർത്തി അഹോരാത്രം പണിപ്പെട്ട്‌ സി.പി.ഐ സ്ഥാനാർത്ഥികളേയും ജയിപ്പിയ്ക്കും. അതല്ലെങ്കിൽ കോൺഗ്രസ്സിന്റെ കൂടെ ചേർന്നാൽ അവരുടെ പ്രവർത്തനം കൊണ്ട്‌ ജയിക്കും. എങ്ങനെയായാലും പരാന്നഭോജനം തന്നെ.

ഏതൊരു സ്ഥലത്തും ഒരു മുന്നണിയായി നിൽക്കുമ്പോൾ പോലും സി.പി.എം സ്ഥാനാർഥികളുടെ പരാജയത്തിന് ഉതകുന്ന എന്തെങ്കിലും ഞുണുക്കു പണികൾ ഒപ്പിയ്ക്കാൻ കൂട്ടത്തിൽ ഏതെങ്കിലും ഒരു പരമ്പരാഗത സി.പി.ഐക്കാരൻ ശ്രമിയ്ക്കാതിരിയ്ക്കില്ല. പുതുതായി സി.പി.ഐയിൽ എത്തുന്ന ചെറുപ്പക്കാർ കുറച്ചൊക്കെ നല്ല മനോഭാവത്തോടെയാണ് പ്രവർത്തിച്ചു പോരുക. കാലക്രമേണ അവരും വെളിയത്തിനെ പോലെയുള്ള പാരമ്പര്യ സി.പി.ഐക്കാരെ കണ്ടു പഠിച്ചു വഷളാകും.

പണ്ടൊക്കെ ജയിക്കുന്ന സ്ഥാനാർഥികളെ കണ്ടെത്തി കിട്ടുന്ന സീറ്റുകൾ ജയിപ്പിച്ച്‌ മാനം നിലനിർത്തുമായിരുന്നു,സി.പി.ഐ. ഇപ്പോൾ അതും പോയി. ഇപ്പോൾ പാർളമെന്റിൽ നിറുത്തിയ സ്ഥാനാർഥിളെ നോക്കിയാൽ അതു മനസിലാകും.ഇനി പൊന്നാനി അവർക്കു കിട്ടിയാലും അതു ജയിക്കാൻ പോകുന്നില്ല .അതു അറാവിലയ്ക്കു കളഞ്ഞു കുളിച്ചു. തിരുവനന്തപുരത്ത്‌ ഈ സാഹചര്യത്തിൽ യാതൊരു വിജയ സാദ്ധ്യതയുമില്ലാത്ത ഒരാളെ നിറുത്തി അവിടെ പരാജയം ഏതാണ്ട് ഉറപ്പായി.ഇനി കോൺഗ്രസ്സിന്റെ സ്ഥാനാർഥി ആരെന്നതിനെ ആശ്രയിച്ചിരിയ്ക്കും അവിടത്തെ ജനവിധി.സി.പി.ഐയുടേ ജില്ലാ സെക്രട്ടറി ആയതുകൊണ്ടു മാത്രം ജനയുഗം പത്രത്തിന്റെ ഉൾപേജുകളിൽ കണ്ടുവരാറുള്ള ഒരു നാമമാണു ഈ രാമചന്ദ്രൻ നായർ. അല്ലാതെ ആർക്കും അറിയില്ല ഈ സ്ഥനാർഥിയെ. ങാ, ഇങ്ങനെയൊക്കെ അല്ലേ പരിചയപ്പെടുന്നത്‌. നടക്കട്ടെ.

മറ്റു സ്ഥാനാർഥികളും കേട്ടിടത്തോളം വലിയ സാധ്യതയൊന്നും ഉള്ളവരല്ല. ത്രിശൂരിലെ സ്ഥാനാർഥി എങ്ങനെയാണോ ആവോ! നോക്കണേ സി.പി.എം നവകേരള യാത്രനടത്തിയും , പാർട്ടിയ്ക്കും മുന്നണിയ്ക്കുമെതിരെയുള്ള പ്രചരണങ്ങളേയും ഒക്കെ പ്രതിരോധിച്ചും മറ്റും ഈ തെരഞ്ഞെടുപ്പിൽ ഒരു വിധം പരിക്കില്ലാതെ രക്ഷപ്പെടാവുന്ന ഒരു സാഹചര്യം ഉണ്ടാക്കി വച്ചു. എത്ര എളുപ്പത്തിലാണ് സി.പി.ഐ എന്ന ഈ കുളം കലക്കി പാർട്ടി എല്ലാം കളഞ്ഞു കുളിച്ചത്‌. സി.പി.എമ്മിന്റെ സ്ഥനാർഥികളുടെ വിജയസാധ്യതകളെ കൂടി ദുർബ്ബലപ്പെടുത്തുന്ന ഒന്നായി ഇവറ്റകളുടെ കുളം കലക്കൽ.

പണ്ടും അരിവാൾ ചുറ്റിക നക്ഷത്രം ചിഹ്നം കാണുമ്പോൾ സി.പി.ഐക്കർക്ക്‌ ഒരു മനം മറിപ്പാണ്. രാഷ്ട്രീയ സത്യസന്ധതയ്ക്കു പുല്ലു വില കല്പിയ്ക്കാത്ത മഹനീയ പാരമ്പര്യം കാത്തു സൂക്ഷിയ്ക്കുന്നതിൽ സി.പി.ഐയെ വെല്ലാൻ മറ്റൊരു പാർടിയില്ല. എല്ലാ തെരഞ്ഞെടുപ്പുകളിലും നല്ലൊരു പങ്കു സി.പി.ഐക്കാരും സി.പി.എം സ്ഥാനാർഥികൾക്ക്‌ വോട്ടു ചെയ്യാറില്ല. താഴെ തലം തൊട്ടു കോൺഗ്രസ്സുമായി ചില അവിശുദ്ധ ബന്ധങ്ങൾ എക്കാലത്തുംസി.പി.ഐയ്ക്കുണ്ട്‌. ഇത്‌ ഒരു ആരോപണമല്ല അനുഭവസാക്ഷ്യമാണ്. ഇപ്പോൾ സി.പി.ഐക്കാരുടെ വേല ഇതിനൊക്കെ അപ്പുറമാണ്. ദേശീയതലത്തിൽ പാർളമെന്റിൽ സി.പി.എം അംഗസംഖ്യയിൽ കുറവു വരുത്താനുള്ള ഗൂഢാലോചനയാണ് ഇത്‌. അതിന് എന്തെങ്കിലും ചെയ്യാൻ പറ്റുന്നത്‌ ഇവിടെയാണല്ലോ.

കമ്മ്യൂണിസ്റ്റെന്ന പദവും ചേർത്ത് അരിവാൾ ചുറ്റിക കൊടിയിലും വരച്ചുവച്ച്‌ ഇടതുപക്ഷ രാഷ്ട്രീയത്തിനുള്ളിൽ നിന്ന്‌ കുളം കലക്കുന്ന വലതുപക്ഷ ബൂർഷ്വാ പ്രസ്ഥാനമാണ് സി.പി.ഐ എന്ന ഈ സാധനം. ഇതുങ്ങളെയും കൊണ്ട്‌ ഇടതു മതേതര ശക്തി കെട്ടിപ്പടുക്കാൻ ശ്രമിയ്ക്കുന്ന സി.പി.എമ്മിനെ സമ്മതിയ്ക്കണം

അങ്ങനെ ലാവ്‌ലിൻ അനുബന്ധ സ്വപ്നങ്ങളും പൊലിഞ്ഞു ! (ലേഖനം)

ലേഖനം

അങ്ങനെ ലാവ്‌ലിൻ അനുബന്ധ സ്വപ്നങ്ങളും പൊലിഞ്ഞു !

അങ്ങനെ ആ ഒരു സസ്പെൻസും അവസാനിച്ചു. പ്രധാനമായും ലാവ്‌ലിൻ കേസിനെ സംബന്ധിച്ച്‌ ചർച്ച നടത്താൻ കൂടുമെന്നു പറഞ്ഞിരുന്ന സി.പി.എം പോളിറ്റ് ബ്യൂറോ കഴിഞ്ഞു. മഹാത്ഭുതങ്ങൾ പ്രതീക്ഷിച്ച് മനപ്പായസം ഉണ്ടവർ നിരാശരായി. ഒന്നുകിൽ പിണറായി അല്ലെങ്കിൽ വി.എസ് ഈ രണ്ടുപേരിൽ ഒരാളേ ഈ പോളിറ്റ്‌ ബ്യൂറോ കഴിഞ്ഞാൽ പാർടിയിൽ ഉണ്ടാകൂ എന്ന തരത്തിലാണ് മാർക്സിസ്റ്റു വിരുദ്ധ മാധ്യമങ്ങൾ വാർത്തകൾ പ്രചരിപ്പിച്ചത്‌. ഇപ്പോൾ ബലൂണിന്റെ കാറ്റു പോയതു പോലെയായി. ഇനി ചമ്മലു മാറ്റാൻ മറ്റെന്തെങ്കിലും ചൂടുള്ള വിഷയങ്ങൾ കിട്ടണം.

അതീവ ഗൌരവമുള്ള മറ്റെന്തെല്ലാം സംഭവങ്ങൾ ഇന്ത്യയിലും ലോകത്തും ഇതിനിടയിൽ നടന്നു. അതൊന്നും മാർക്സിസ്റ്റു വിരോധികളുടെ ശ്രദ്ധയെ ആകർഷിച്ചതേയില്ല. എല്ലാവരുടേയും ശ്രദ്ധ ലാവ്ലിൻ കേസിലായിരുന്നു. രാജ്യം നേരിടുന്ന വർഗീയ വിപത്തൊന്നും പലർക്കും ഒരു വാർത്തയേ അല്ല. വർഗീയ ഫാസിസ്റ്റുകളേയും അവരുടെ രാഷ്ട്രീയ ഫാസിസ്റ്റു പാർടികളേയുമൊക്കെ വിമർശിച്ചാൽ പത്രമാഫീസുകളുടെ കണ്ണാടിച്ചില്ലുകൾ തകർത്ത്‌ ഫാസിസ്റ്റുകൾ കടന്നു കയറുമെന്നും അതിനുള്ളിലിരിയ്ക്കുന്നവരുടെ ജീവൻ തന്നെ അപകടത്തിലാകും എന്നും ഭയം ഉള്ളതുകൊണ്ട്‌ അവർ എന്ത്‌ അഴിഞ്ഞാട്ടം നടത്തിയാലും അതു തുറന്നു കാട്ടാൻ തയ്യാറല്ല. സി. പി.എമ്മിന്റെ മേൽ ആകുമ്പോൾ ആർക്കും കുതിര കയറാമല്ലോ!

ഇന്ത്യയിലെ മറ്റു സംസ്ഥാനങ്ങളോടു താരതമ്യപ്പെടുത്തുമ്പോൾ ആപേക്ഷികമായി കേരരളത്തിനു ചില മെച്ചങ്ങൾ ഉണ്ട്‌. വർഗീയതയും മറ്റു സംസ്ഥാനങ്ങളെ അപേക്ഷിച്ച്‌ അല്പം കുറവാണ്. വർഗീയത ശക്തിപ്പെടുത്താനുള്ള പ്രധാന തടസ്സം ഇവിടെ ഇടതുപക്ഷത്തിനുള്ള സ്വാധീനമാണ്. അതുകൊണ്ടുതന്നെ മുഖ്യ ഇടതുപക്ഷ കക്ഷിയായ സി.പി. എമ്മിനെ തകർത്തു മാത്രമേ വർഗീയ പ്രതിലോമ ശക്തികൾക്ക്` ഇവിടെ മുന്നേറ്റം ഉണ്ടാക്കുവാൻ കഴിയൂ. അതിനു ഭൂരിപക്ഷ ന്യൂനപക്ഷ വർഗീയതകൾ മത്സരിച്ചു ശ്രമിയ്ക്കുകയാണ്.അവർക്കു ശക്തി പകരാനാണ് ഇവിടെ കുറെ മാധ്യമങ്ങൾ ശ്രമിയ്ക്കുന്നത്‌.

എന്തെല്ലാം സ്വപ്നങ്ങളായിരുന്നു. പിണറായി വിജയനെ മാറ്റി നിർത്തും. നവകേരള യാത്ര മറ്റാരെങ്കിലും നയിക്കും. വി.എസ്‌ പാർടിയിൽ പിടി മുറുക്കും. സംസ്ഥാന നേത്ര്‌ത്വം വൻ പ്രതിസന്ധിയിലാകും. ഇത്തരത്തിലായിരുന്നു ഒരു പ്രചരണം. മറ്റൊന്ന്‌ പിണറായിയെ മാറ്റില്ല. വി.എസ് അതിൽ കുറഞ്ഞുള്ള ഒത്തുതീർപ്പുകൾക്കു നിൽക്കില്ല. പിന്നെ ഉള്ള വഴി രാജി വയ്ക്കുക. എന്നിട്ടു ഒന്നുകിൽ പുതിയ പാർടി ഉണ്ടാക്കുക. അല്ലെങ്കിൽ രാജി വയ്ക്കാതെ പാർട്ടി പിടിച്ചെടുക്കുക. അതിനാൽ പതിനാലാം തീയതിക്കുശേഷം പാർടി ഓഫീസുകൾ വി.എസ്. ഗ്രൂപ്പുകാർ പിടിച്ചെടുക്കുമെന്നു വരെ സ്വപ്നാക്ഷരങ്ങൾ നിരത്തി.

ഇപ്പോൾ കോഴി കൂകി. നേരം വെളുത്തു. എല്ലാം പാർടി വിരുദ്ധരുടേയും , പാർടി വിരുദ്ധ ദ്ര്‌ശ്യ- ശ്രവ്യ മാധ്യമങ്ങളുടേയും പാഴ്കിനാവുകളായിരുന്നുവെന്ന യാഥാർത്ഥ്യവുമായി ഇനിയും അവർ പൊരുത്തപ്പെട്ടിട്ടുണ്ടോ എന്നറിയില്ല. മാർക്സിസ്റ്റു പാർട്ടി ഇല്ലാത്ത ഒരു ലോകത്തെ കുറിച്ചുള്ള ഇക്കൂട്ടരുടെ സ്വപ്നങ്ങൾ പക്ഷെ ഇന്നും ഇന്നലേയും തുടങ്ങിയതല്ലല്ലോ. ഇവർ ഒരു കാര്യം തുറന്നു പറഞ്ഞെങ്കിൽ നന്നായിരുന്നു.സി. പി എം തകരുമ്പോൾ തങ്ങൾക്ക്‌ എന്തു കിട്ടും? അങ്ങനെ തകർന്നു കാണാൻ ആഗ്രഹിക്കത്തക്ക നിലയിൽ എന്തു തെറ്റാണ് ഈ പാർട്ടി ചെയ്തിട്ടുള്ളത്‌? സി. പി.എം തെറ്റുപറ്റാത്ത പാർടിയാണെന്നല്ല. തെറ്റു പറ്റിയെന്നു ബോദ്ധ്യമായാൽ തുറന്നു പറഞ്ഞു തിരിത്തുന്ന പാർടിയാണിത്‌.

മറ്റു പാർട്ടികളൊന്നും തകരണമെന്ന്‌ ഒരാഗ്രഹവും ഇല്ല. വർഗീയ -തീവ്രവാദ -വിംധ്വംസക ശക്തികൾ പോലും അവർക്കു ഇല്ലാതായി കാണേണ്ട. സി.പി.എം മാത്രം തകരണം. അതിന് ഈ പാർടിയും ഇതിന്റെ നേതാക്കളും മാത്രം വേട്ടയാടപ്പെടണം. ഈ പാർട്ടി എന്തെങ്കിലും പ്രതിസന്ധി നേരിടുമ്പോൾ എന്തൊരുത്സാഹമാണെന്നോ, ഈ വിരുദ്ധ ശക്തികൾക്ക്‌! അതു പറഞ്ഞറിയിക്കാൻ പറ്റില്ല. അത്രയ്ക്കുണ്ട്‌ അന്ധമായ മാർക്സിസ്റ്റു വിരോധം. പക്ഷെ , സി. പി. എം ഇതെത്രയോ കണ്ടിരിയ്ക്കുന്നു.ഇനി കാ‍ണാനുമിരിയ്ക്കുന്നു.

ഇനിയും ഒരു കൂട്ടർ ഉണ്ട്‌. പാർടിയാണെന്നു പറയും. എന്നാൽ പാർടിയിൽ സർവ്വത്ര കുഴപ്പമാണ് . പാർട്ടി തകരുന്നതിൽ ദുഖമാണെന്നു പറയും. (അവർക്ക്‌ ഇതു നയിക്കാൻ അവസരം ലഭിയ്ക്കാത്തതിന്റെ കുഴപ്പമാണെന്നു തോന്നും പറച്ചിലു കേട്ടാൽ). എന്നിട്ടു വർഗ്ഗ ശത്രുവിനോട്‌ ഒപ്പം നിന്ന്‌ പാർട്ടിയെ തെരുവിൽ അലക്കും. തങ്ങളെക്കൊണ്ടു പലതുകൊണ്ടും കഴിയാത്തതു മറ്റുള്ളവർ ചെയ്യുന്നതിലുള്ള അസൂയ. അല്ലാതെന്ത്?എന്നാൽ ഈ ‘നല്ലാളന്മാർ` ക്ക്‌ ഈ പാർട്ടിയ്ക്കു പകരം വയ്ക്കാൻ മറ്റൊന്നു ചൂണ്ടിക്കാണിയ്ക്കുവാനുണ്ടോ? അതുമില്ല. സി.പി. എം ഇല്ലാതായാൽ എല്ലാം ക്ലിയറാകും എന്ന മട്ടിലാണ് പ്രചരണം.

ഒന്നു മാത്രം പറഞ്ഞ്‌ ഈ കുറിപ്പു തൽകാലം ചുരുക്കുന്നു. കണ്ണിരിയ്ക്കുമ്പോൾ കണ്ണിന്റെ കാഴ്ച അറിയില്ല. കാഴ്ചയുടെ വില അറിയില്ല. കേരളത്തിൽ സി.പി.എം ഉള്ളതിന്റെ വില അതില്ലാതായാൽ മാത്രമേ അറിയൂ.

പിണറായിയെ അങ്ങനെ അങ്ങ് ഒതുക്കാമെന്നോ? (ലേഖനം)

പിണറായിയെ അങ്ങനെ അങ്ങ് ഒതുക്കാമെന്നോ? (ലേഖനം)



സ.പിണറായിയെയും സി.പി.എമ്മി നേയും അങ്ങനെ അങ്ങു ഒതുക്കി കളയമെന്നോ? സ. പിണറായിയെ കേരള രാഷ്ട്രീയത്തില്‍ നിന്നു അങ്ങനെയങ്ങ് പെരട്ടി വിടാമെന്ന് ആരും കരുതേണ്ട. അതിനും മാത്രം വലിയ സംഭവം ഒന്നും ഉണ്ടായിട്ടുമില്ല. ഒരിക്കല്‍ അദ്ദേഹം കുറച്ചു നാള്‍ കേരളത്തിന്റെ ഒരു മന്ത്രിയായി ഇരുന്നു പോയി. ഒരു മന്ത്രിയുടെ വകുപ്പിന് കീഴില്‍ ഒരു സംഭവം ഉണ്ടാകുമ്പോള്‍ അതില്‍ ധാര്‍മ്മികമായ ഒരു ഉത്തരവാദിത്വം ഉണ്ടായിരിയ്ക്കും. അത് സ്വാഭാവികം. ഇതു വി‌ഷയം കൂടുതല്‍ ഗൌരവം ഉള്ളതായത് കൊണ്ടു കുറെയെല്ലാം മന്ത്രി എന്ന നിലയില്‍ നേരിട്ടു ബന്ധപ്പെട്ടിരുന്നുമിരിക്കാം.നല്ല ഉദ്ദേശത്തോടെ ഒരു കാര്യം ചെയ്യുമ്പോള്‍ ഇത്തരം പുലി വാലുകള്‍ ഭാവിയില്‍ ഉണ്ടാകുമെന്ന് പ്രതീക്ഷിക്കണം എന്നില്ല. സ. പിണറായിക്ക് സംഭവിച്ചതും അത്രേയുള്ളൂ. അറിഞ്ഞു കൊണ്ടു അബദ്ധങ്ങളില്‍ ചെന്നു ചാടാന്‍ മാത്രം ബുദ്ധിയില്ലാത്ത ആളുമല്ല പിണറായി വിജയന്‍. മന്ത്രി സ്ഥാനത്തിരിക്കുന്ന ഏതൊരാള്‍ക്കും ഇതൊരു പാഠവും ആണ്.

പിണറായി ആരാ? തലയെടുപ്പുള്ള, , ചങ്കൂറ്റമുള്ള , അചഞ്ചലനായ ആയ , അടിപതറാത്ത നേതാവ്. വിശേഷണങ്ങള്‍ ഇനിയും ഇല്ലാഞ്ഞിട്ടല്ല, ചുരുക്കിയതാണ്. മാത്രവുമല്ല കമ്മ്യൂണിസ്റ്റ് നേതാക്കള്‍ എന്ന് പറഞ്ഞാല്‍ ഒരു സുപ്രഭാതത്തില്‍ ആകാശത്ത് നിന്നു പൊട്ടി വീഴുന്നവരല്ല. പോരട്ടങ്ങളുടെയും അനുഭവങ്ങളുടെയും കരുത്തുമായി വര്‍ഷങ്ങളിലൂടെ പരുവപ്പെട്ടു വരുന്ന സവിശേഷ വ്യക്തിത്വങ്ങളാണ്. അവരെ പെട്ടെന്ന് അങ്ങ് തകര്ത്തു കളയാം എന്ന് വിചാരിച്ചാല്‍ അത് എളുപ്പം ആകണം എന്നില്ല. അതിന് തെളിവാണ് ഇപ്പോഴത്തെ സി.ബി.ഐയുടെ ലാവ്‌ലിന്‍ വിധി. പിണറായിക്കെതിരെ സി.ബി. ഐ കാരുടെ വിരല്‍ പിടിച്ചു കൊണ്ഗ്രെസ്സുകാര്‍ എഴുതിപ്പിടിപ്പിച്ച അഴിമതി വരികള്‍. പിണറായിയെ പ്രതി ചേര്ത്തു എന്ന് വച്ചു പിണറായിക്കോ സി.പി. എമ്മിനോ പ്രത്യേകിച്ച് ഒന്നും സംഭവിക്കാന്‍ പോകുന്നില്ല.

ഇതിപ്പോ മല പോലെ വന്നു എലി പോലെ പോയി എന്ന മട്ടായി. പുലി വരുന്നേ പുലി വരുന്നേ എന്ന് വിളിച്ചു വിളിച്ചു പുലി വന്നപ്പോള്‍ അത് വെറും പൂച്ച. അതും കള്ളപ്പൂച്ച. നടത്തിയ അഴിമതി എന്താ? ഒരു വലിയ കമ്പനിക്കു കോടികളുടെ ലാഭം കിട്ടാന്‍ ഇടയുള്ള ഒരു കരാര്‍ നല്‍കിയപ്പോള്‍ സ്വാഭാവികമായും ഏതെങ്കിലും എജന്റുമാര്‍ക്കോ മന്ത്രി തല്പരന്‍ ആണെന്കില്‍ അദ്ദേഹത്തിനോ കിട്ടേണ്ട കമ്മീഷന്‍ . അത് മന്ത്രിക്കു വേണ്ടാത്തതിനാല്‍ ജനങ്ങള്‍ക്ക് ഉപയോഗം ഉള്ള ഒരു സ്ഥാപനം തുടങ്ങാന്‍ സഹായം ആവശ്യപ്പെട്ടു. ഒരു കാന്‍സര്‍ സെന്റെര്‍. അത് പക്ഷെ സ്വന്തം മണ്ഡലത്തില്‍ സ്ഥാപിച്ചു കളഞ്ഞു. ഹൊ, എന്തൊരു വലിയ കുറ്റം. ലോക ചരിത്രത്തിലെ ആദ്യത്തെ അഴിമതി. പ്രത്യേകിച്ചും നമ്മുടെ കൊണ്ഗ്രെസ്സും ബി. ജെ. പിയും മുസ്ലിം ലീഗുമോന്നും യാതൊരു അഴിമതിയും കാണിക്കാതെ ആദര്ശ ധീരരായി നടക്കുമ്പോള്‍ ഒരു മാര്‍ക്സിസ്റ്റു നേതാവ് വങ്കന്‍ അഴിമതി നടത്തുക. സഹിക്കുമോ? സ്വന്തം മണ്ഡലത്തില്‍ വികസനം കൊണ്ടു വരുന്നതു ഒരു വലിയ കുറ്റമാണെങ്കില്‍ നാളിന്നുവരെ എം.പിയും ,എം.എല്‍.എയും, മന്ത്രിയും ഒക്കെ ആയിരുന്ന എല്ലാ പാര്‍ടിയിലും പെട്ട നേതാക്കന്‍മാര്‍ ഒക്കെ ജയിലില്‍ പോകേണ്ടി വരും. ഒരു വലിയ കുറ്റം കണ്ടു പിടിച്ചിരിക്കുന്നു!

വിജിലന്‍സ് ഒരിക്കല്‍ എഴുതി തള്ളിയ കേസ്. ഒരു തെരഞ്ഞെടുപ്പ് വന്നപ്പോള്‍ സി. ബി. ഐ ക്ക് വിട്ടു. ഇപ്പോള്‍ അടുത്ത തെരഞ്ഞെടുപ്പ് വന്നപ്പോള്‍ അന്വേഷണ റിപ്പോര്‍ട്ട്. ഇനി ഇപ്പോള്‍ ഈ വരുന്നതും പോയി അടുത്ത തെരഞ്ഞെടുപ്പ് വരുമ്പോള്‍ എന്ത് ചെയ്യുമോ ആവോ. ഇപ്പോഴേ വല്ലതും കണ്ടു വച്ചു കൊള്ളണം. ഭരിക്കുന്നവരുടെ താളത്തിന് തുള്ളുവാന്‍ മാത്രമുള്ള പരമോന്നത അന്വേഷണ ഏജന്‍സികള്‍. ആകെപ്പാടെ
കൊള്ളാം. എന്റെ പൊന്നു കൊണ്ഗ്രസ്സെ ഇനി വരാനിരിക്കുന്ന തെരഞ്ഞെടുപ്പുകളിലോക്കെ അര്‍ഹിക്കുന്ന പ്രാതിനിധ്യം ഇപ്പോഴത്തെ ഒരു രാഷ്ട്രീയ സ്ഥിതിയില്‍ കിട്ടുമല്ലോ. പിന്നെന്തിനീ വൃത്തികെട്ട പണി.

കേരള രാഷ്ട്രീയത്തിനും ഇന്ത്യന്‍ രാഷ്ട്രീയത്തിന് തന്നെയും മുതല്‍ കൂട്ടായ ഒരു ജന നേതാവിനെതിരെ കള്ള കഥകള്‍ ഉണ്ടാക്കി മുതലെടുക്കുന്നത് ഭാവിയില്‍ നിങ്ങളുടെ പല നേതാക്കള്‍ക്കും തന്നെ ബുദ്ധി മുട്ട് ആകും എന്ന് മാത്രം മനസിലാക്കുക . പിണറായി അടക്കം സി.പി.എം നേതാക്കള്‍ക്ക് പുറകെ മാത്രം നടന്നു കള്ള കഥകള്‍ ഉണ്ടാക്കുന്ന പത്ര പ്രവര്‍ത്തകര്‍ക്ക് സംഭവിക്കാവുന്ന അബദ്ധങ്ങള്‍ തിരുവനന്തപുരത്തെ ചില പത്ര പ്രവര്തകര്‍ക്കൊക്കെ അറിയാം. അതെ പറ്റി ഞാന്‍ തന്നെ പറയുന്നതു ശരിയല്ലാത്തതുകൊണ്ട് വിടുന്നു. എഴുതിക്കോളൂ. പക്ഷെ എന്നും ഒരു പോലെ എഴുതണം . സി. പി. എമ്മിന് നേര്ക്കാകുമ്പോള് എന്ത് തോന്യാസങ്ങളും ആകാം എന്നൊരു ധാരണ ഉണ്ട്. അത് ഒരു പരിധി വരെ ശരിയുമാണ്‌. കാരണം ജനാധിപത്യത്തില്‍ സി. പി. എമ്മിന് കുറച്ചെങ്കിലും വിശ്വാസമുണ്ട്‌. പക്ഷെ അള മുട്ടിയാല്‍ ചേരയും കടിക്കും എന്ന് ഓര്‍ക്കണം എന്നൊന്നും പറഞ്ഞാല്‍ നിങ്ങള്ക്ക് മനസിലാകില്ല എന്നത് കൊണ്ടു അതെപറ്റി പറയുന്നില്ല.

എന്തെല്ലാം സ്വപ്നങ്ങള്‍ ആയിരുന്നു. അന്വേഷണ റിപ്പോര്‍ട്ട് വന്നാല്‍ ഉടന്‍ പിണറായി രാജി വയ്ക്കും .പാര്‍ടിയില്‍ നിന്നു പുറത്താകും .നേരത്തെ തീരുമാനിച്ച നവ കേരള യാത്ര മറ്റാരെങ്കിലും നയിക്കും . ജാഥാ ക്യപ്ടനെ മാറ്റണമെന്നും പിണറായിയെ സെക്രട്ടറി സ്ഥാനത്തു നിന്നു മാറ്റണം എന്നും ഉള്ള ഉപാധികളുമായി വി. എസ്. ഡല്‍ഹിക്ക്. വി.എസിന്റെ വായില്‍ നിന്നു വല്ലതും വീഴുമോ എന്നറിയാന്‍ വീണ്ടും പണ്ടു മുട്ടനാടിന്റെ പുറകെ കുറുക്കന്‍ നടന്നത് പോലെ കുറെ ചാനലുകാരും പത്രക്കാരും. വി.എസ്. പി. ബി നേതാക്കളെ കണ്ടു തിരിച്ചു വന്നപ്പോള്‍ ഉണ്ടായിരുന്ന പ്രതീക്ഷയും പോയി. നിങ്ങള്‍ തൊട്ടു മുന്പേ എന്തൊക്കെയാ പറഞ്ഞതെന്ന് ഒരു ചാനലുകരനോടും പത്രക്കരനോടും ആരും ചോദിയ്ക്കാന്‍ മിനക്കെടാറില്ലല്ലോ. അത് കൊണ്ടു എന്തും മെനഞ്ഞ് ഉണ്ടാക്കാം. പിണറായി പറഞ്ഞപോലെ എല്ലാം വരട്ടെ, വരട്ടെ.

ഇതു ഇങ്ങനെയൊക്കെ വരുമെന്ന് പാര്‍ട്ടിക്കു നേരത്തെ അറിയാമായിരുന്നു. അത് കൊണ്ടു സി.പി.എം ഇതിനെ രാഷ്ട്രീയമായി നേരിടും എന്ന് തീരുമാനിയ്ക്കുകയും ചെയ്തു. ആരെങ്കിലും നടത്തുന്ന ഗൂഢാലോനയുടെ ഫലം അറിഞ്ഞു വലിച്ചെറിയാന്‍ മാത്രം വില കുറഞ്ഞ ആളല്ല സ. പിണറായി. സി. പി.എമ്മിന്റെ കരുത്താണ് അദ്ദേഹം. ഏതാനും നാള്‍ മുന്പേ പോളിറ്റ് ബ്യൂറോ നേതാക്കള്‍ സി. ബി.ഐ.യുമായി ബന്ധപ്പെട്ട ഒരു മന്ത്രിയുമായി ഇക്കാര്യം സംസരിചിരുന്നുവത്രേ. അപ്പോള്‍ ആ മന്ത്രി പറഞ്ഞതു, അയാം ഹെല്പ് ലെസ്സ്. അടുത്ത ലോക്സഭ തെരഞ്ഞെടുപ്പില്‍ നമുക്കു കേരളത്തില്‍ നിന്നു ട്വെന്റി സീറ്റുകള്‍ കിട്ടാന്‍ മറ്റു മാര്‍ഗ്ഗങ്ങള്‍ ഇല്ല എന്നത്രേ. ഈ കേട്ടറിവ് ശരിയായാലും ഇല്ലെങ്കിലും കൊണ്ഗ്രെസിന്റെ സമ്മര്‍ദ്ദം കൊണ്ടാണ് സ. പിണറായി പ്രതി ചെര്‍ക്കപ്പെട്ടതെന്നു വ്യക്തം. എന്നിട്ട് പോലും ഗുരുതരം എന്ന് പറയാന്‍ കഴിയുന്ന ഒന്നും കണ്ടെത്താനും കഴിഞ്ഞില്ല.

വിചിത്രമായ ഒരു കാര്യം. ഒരു മന്ത്രിയോ മറ്റോ രാജി വയ്ക്കണം എന്ന് പറഞ്ഞു മറ്റു പാര്ടികാര് കോലാഹലം ഉണ്ടാക്കുന്നത് മനസിലാക്കാം. ഇവിടെ ഇപ്പോള്‍ കൊണ്ഗ്രെസ്സും മറ്റു ചില പാര്‍ട്ടികളും പിണറായിയുടെ രാജി ആവശ്യപ്പെടുകയാണ്. സി. പി. എമിന്റെ സെക്രട്ടറി ആരായിരിക്കണം എന്ന് മറ്റു പാര്ടിക്കരാണോ തീരുമാനിയ്ക്കുന്നത്? വിചിത്രം ! പിണറായി ഇപ്പോള്‍ രാജി വയ്ക്കുന്നില്ല .മാര്‍ക്സിസ്റ്റു പാര്‍ടി പിരിച്ചു വിടാനും പോകുന്നില്ല. ഒലത്തണം എന്നുള്ളവര്‍ അങ്ങ് ഒലത്തിനെടേയ്! അല്ലപിന്നെ.

പിണറായിയെ അങ്ങനെ അങ്ങ് ഒതുക്കാമെന്നോ? (ലേഖനം)

പിണറായിയെ അങ്ങനെ അങ്ങ് ഒതുക്കാമെന്നോ? (ലേഖനം)



സ.പിണറായിയെയും സി.പി.എമ്മി നേയും അങ്ങനെ അങ്ങു ഒതുക്കി കളയമെന്നോ? സ. പിണറായിയെ കേരള രാഷ്ട്രീയത്തില്‍ നിന്നു അങ്ങനെയങ്ങ് പെരട്ടി വിടാമെന്ന് ആരും കരുതേണ്ട. അതിനും മാത്രം വലിയ സംഭവം ഒന്നും ഉണ്ടായിട്ടുമില്ല. ഒരിക്കല്‍ അദ്ദേഹം കുറച്ചു നാള്‍ കേരളത്തിന്റെ ഒരു മന്ത്രിയായി ഇരുന്നു പോയി. ഒരു മന്ത്രിയുടെ വകുപ്പിന് കീഴില്‍ ഒരു സംഭവം ഉണ്ടാകുമ്പോള്‍ അതില്‍ ധാര്‍മ്മികമായ ഒരു ഉത്തരവാദിത്വം ഉണ്ടായിരിയ്ക്കും. അത് സ്വാഭാവികം. ഇതു വി‌ഷയം കൂടുതല്‍ ഗൌരവം ഉള്ളതായത് കൊണ്ടു കുറെയെല്ലാം മന്ത്രി എന്ന നിലയില്‍ നേരിട്ടു ബന്ധപ്പെട്ടിരുന്നുമിരിക്കാം.നല്ല ഉദ്ദേശത്തോടെ ഒരു കാര്യം ചെയ്യുമ്പോള്‍ ഇത്തരം പുലി വാലുകള്‍ ഭാവിയില്‍ ഉണ്ടാകുമെന്ന് പ്രതീക്ഷിക്കണം എന്നില്ല. സ. പിണറായിക്ക് സംഭവിച്ചതും അത്രേയുള്ളൂ. അറിഞ്ഞു കൊണ്ടു അബദ്ധങ്ങളില്‍ ചെന്നു ചാടാന്‍ മാത്രം ബുദ്ധിയില്ലാത്ത ആളുമല്ല പിണറായി വിജയന്‍. മന്ത്രി സ്ഥാനത്തിരിക്കുന്ന ഏതൊരാള്‍ക്കും ഇതൊരു പാഠവും ആണ്.

പിണറായി ആരാ? തലയെടുപ്പുള്ള, , ചങ്കൂറ്റമുള്ള , അചഞ്ചലനായ ആയ , അടിപതറാത്ത നേതാവ്. വിശേഷണങ്ങള്‍ ഇനിയും ഇല്ലാഞ്ഞിട്ടല്ല, ചുരുക്കിയതാണ്. മാത്രവുമല്ല കമ്മ്യൂണിസ്റ്റ് നേതാക്കള്‍ എന്ന് പറഞ്ഞാല്‍ ഒരു സുപ്രഭാതത്തില്‍ ആകാശത്ത് നിന്നു പൊട്ടി വീഴുന്നവരല്ല. പോരട്ടങ്ങളുടെയും അനുഭവങ്ങളുടെയും കരുത്തുമായി വര്‍ഷങ്ങളിലൂടെ പരുവപ്പെട്ടു വരുന്ന സവിശേഷ വ്യക്തിത്വങ്ങളാണ്. അവരെ പെട്ടെന്ന് അങ്ങ് തകര്ത്തു കളയാം എന്ന് വിചാരിച്ചാല്‍ അത് എളുപ്പം ആകണം എന്നില്ല. അതിന് തെളിവാണ് ഇപ്പോഴത്തെ സി.ബി.ഐയുടെ ലാവ്‌ലിന്‍ വിധി. പിണറായിക്കെതിരെ സി.ബി. ഐ കാരുടെ വിരല്‍ പിടിച്ചു കൊണ്ഗ്രെസ്സുകാര്‍ എഴുതിപ്പിടിപ്പിച്ച അഴിമതി വരികള്‍. പിണറായിയെ പ്രതി ചേര്ത്തു എന്ന് വച്ചു പിണറായിക്കോ സി.പി. എമ്മിനോ പ്രത്യേകിച്ച് ഒന്നും സംഭവിക്കാന്‍ പോകുന്നില്ല.

ഇതിപ്പോ മല പോലെ വന്നു എലി പോലെ പോയി എന്ന മട്ടായി. പുലി വരുന്നേ പുലി വരുന്നേ എന്ന് വിളിച്ചു വിളിച്ചു പുലി വന്നപ്പോള്‍ അത് വെറും പൂച്ച. അതും കള്ളപ്പൂച്ച. നടത്തിയ അഴിമതി എന്താ? ഒരു വലിയ കമ്പനിക്കു കോടികളുടെ ലാഭം കിട്ടാന്‍ ഇടയുള്ള ഒരു കരാര്‍ നല്‍കിയപ്പോള്‍ സ്വാഭാവികമായും ഏതെങ്കിലും എജന്റുമാര്‍ക്കോ മന്ത്രി തല്പരന്‍ ആണെന്കില്‍ അദ്ദേഹത്തിനോ കിട്ടേണ്ട കമ്മീഷന്‍ . അത് മന്ത്രിക്കു വേണ്ടാത്തതിനാല്‍ ജനങ്ങള്‍ക്ക് ഉപയോഗം ഉള്ള ഒരു സ്ഥാപനം തുടങ്ങാന്‍ സഹായം ആവശ്യപ്പെട്ടു. ഒരു കാന്‍സര്‍ സെന്റെര്‍. അത് പക്ഷെ സ്വന്തം മണ്ഡലത്തില്‍ സ്ഥാപിച്ചു കളഞ്ഞു. ഹൊ, എന്തൊരു വലിയ കുറ്റം. ലോക ചരിത്രത്തിലെ ആദ്യത്തെ അഴിമതി. പ്രത്യേകിച്ചും നമ്മുടെ കൊണ്ഗ്രെസ്സും ബി. ജെ. പിയും മുസ്ലിം ലീഗുമോന്നും യാതൊരു അഴിമതിയും കാണിക്കാതെ ആദര്ശ ധീരരായി നടക്കുമ്പോള്‍ ഒരു മാര്‍ക്സിസ്റ്റു നേതാവ് വങ്കന്‍ അഴിമതി നടത്തുക. സഹിക്കുമോ? സ്വന്തം മണ്ഡലത്തില്‍ വികസനം കൊണ്ടു വരുന്നതു ഒരു വലിയ കുറ്റമാണെങ്കില്‍ നാളിന്നുവരെ എം.പിയും ,എം.എല്‍.എയും, മന്ത്രിയും ഒക്കെ ആയിരുന്ന എല്ലാ പാര്‍ടിയിലും പെട്ട നേതാക്കന്‍മാര്‍ ഒക്കെ ജയിലില്‍ പോകേണ്ടി വരും. ഒരു വലിയ കുറ്റം കണ്ടു പിടിച്ചിരിക്കുന്നു!

വിജിലന്‍സ് ഒരിക്കല്‍ എഴുതി തള്ളിയ കേസ്. ഒരു തെരഞ്ഞെടുപ്പ് വന്നപ്പോള്‍ സി. ബി. ഐ ക്ക് വിട്ടു. ഇപ്പോള്‍ അടുത്ത തെരഞ്ഞെടുപ്പ് വന്നപ്പോള്‍ അന്വേഷണ റിപ്പോര്‍ട്ട്. ഇനി ഇപ്പോള്‍ ഈ വരുന്നതും പോയി അടുത്ത തെരഞ്ഞെടുപ്പ് വരുമ്പോള്‍ എന്ത് ചെയ്യുമോ ആവോ. ഇപ്പോഴേ വല്ലതും കണ്ടു വച്ചു കൊള്ളണം. ഭരിക്കുന്നവരുടെ താളത്തിന് തുള്ളുവാന്‍ മാത്രമുള്ള പരമോന്നത അന്വേഷണ ഏജന്‍സികള്‍. ആകെപ്പാടെ
കൊള്ളാം. എന്റെ പൊന്നു കൊണ്ഗ്രസ്സെ ഇനി വരാനിരിക്കുന്ന തെരഞ്ഞെടുപ്പുകളിലോക്കെ അര്‍ഹിക്കുന്ന പ്രാതിനിധ്യം ഇപ്പോഴത്തെ ഒരു രാഷ്ട്രീയ സ്ഥിതിയില്‍ കിട്ടുമല്ലോ. പിന്നെന്തിനീ വൃത്തികെട്ട പണി.

കേരള രാഷ്ട്രീയത്തിനും ഇന്ത്യന്‍ രാഷ്ട്രീയത്തിന് തന്നെയും മുതല്‍ കൂട്ടായ ഒരു ജന നേതാവിനെതിരെ കള്ള കഥകള്‍ ഉണ്ടാക്കി മുതലെടുക്കുന്നത് ഭാവിയില്‍ നിങ്ങളുടെ പല നേതാക്കള്‍ക്കും തന്നെ ബുദ്ധി മുട്ട് ആകും എന്ന് മാത്രം മനസിലാക്കുക . പിണറായി അടക്കം സി.പി.എം നേതാക്കള്‍ക്ക് പുറകെ മാത്രം നടന്നു കള്ള കഥകള്‍ ഉണ്ടാക്കുന്ന പത്ര പ്രവര്‍ത്തകര്‍ക്ക് സംഭവിക്കാവുന്ന അബദ്ധങ്ങള്‍ തിരുവനന്തപുരത്തെ ചില പത്ര പ്രവര്തകര്‍ക്കൊക്കെ അറിയാം. അതെ പറ്റി ഞാന്‍ തന്നെ പറയുന്നതു ശരിയല്ലാത്തതുകൊണ്ട് വിടുന്നു. എഴുതിക്കോളൂ. പക്ഷെ എന്നും ഒരു പോലെ എഴുതണം . സി. പി. എമ്മിന് നേര്ക്കാകുമ്പോള് എന്ത് തോന്യാസങ്ങളും ആകാം എന്നൊരു ധാരണ ഉണ്ട്. അത് ഒരു പരിധി വരെ ശരിയുമാണ്‌. കാരണം ജനാധിപത്യത്തില്‍ സി. പി. എമ്മിന് കുറച്ചെങ്കിലും വിശ്വാസമുണ്ട്‌. പക്ഷെ അള മുട്ടിയാല്‍ ചേരയും കടിക്കും എന്ന് ഓര്‍ക്കണം എന്നൊന്നും പറഞ്ഞാല്‍ നിങ്ങള്ക്ക് മനസിലാകില്ല എന്നത് കൊണ്ടു അതെപറ്റി പറയുന്നില്ല.

എന്തെല്ലാം സ്വപ്നങ്ങള്‍ ആയിരുന്നു. അന്വേഷണ റിപ്പോര്‍ട്ട് വന്നാല്‍ ഉടന്‍ പിണറായി രാജി വയ്ക്കും .പാര്‍ടിയില്‍ നിന്നു പുറത്താകും .നേരത്തെ തീരുമാനിച്ച നവ കേരള യാത്ര മറ്റാരെങ്കിലും നയിക്കും . ജാഥാ ക്യപ്ടനെ മാറ്റണമെന്നും പിണറായിയെ സെക്രട്ടറി സ്ഥാനത്തു നിന്നു മാറ്റണം എന്നും ഉള്ള ഉപാധികളുമായി വി. എസ്. ഡല്‍ഹിക്ക്. വി.എസിന്റെ വായില്‍ നിന്നു വല്ലതും വീഴുമോ എന്നറിയാന്‍ വീണ്ടും പണ്ടു മുട്ടനാടിന്റെ പുറകെ കുറുക്കന്‍ നടന്നത് പോലെ കുറെ ചാനലുകാരും പത്രക്കാരും. വി.എസ്. പി. ബി നേതാക്കളെ കണ്ടു തിരിച്ചു വന്നപ്പോള്‍ ഉണ്ടായിരുന്ന പ്രതീക്ഷയും പോയി. നിങ്ങള്‍ തൊട്ടു മുന്പേ എന്തൊക്കെയാ പറഞ്ഞതെന്ന് ഒരു ചാനലുകരനോടും പത്രക്കരനോടും ആരും ചോദിയ്ക്കാന്‍ മിനക്കെടാറില്ലല്ലോ. അത് കൊണ്ടു എന്തും മെനഞ്ഞ് ഉണ്ടാക്കാം. പിണറായി പറഞ്ഞപോലെ എല്ലാം വരട്ടെ, വരട്ടെ.

ഇതു ഇങ്ങനെയൊക്കെ വരുമെന്ന് പാര്‍ട്ടിക്കു നേരത്തെ അറിയാമായിരുന്നു. അത് കൊണ്ടു സി.പി.എം ഇതിനെ രാഷ്ട്രീയമായി നേരിടും എന്ന് തീരുമാനിയ്ക്കുകയും ചെയ്തു. ആരെങ്കിലും നടത്തുന്ന ഗൂഢാലോനയുടെ ഫലം അറിഞ്ഞു വലിച്ചെറിയാന്‍ മാത്രം വില കുറഞ്ഞ ആളല്ല സ. പിണറായി. സി. പി.എമ്മിന്റെ കരുത്താണ് അദ്ദേഹം. ഏതാനും നാള്‍ മുന്പേ പോളിറ്റ് ബ്യൂറോ നേതാക്കള്‍ സി. ബി.ഐ.യുമായി ബന്ധപ്പെട്ട ഒരു മന്ത്രിയുമായി ഇക്കാര്യം സംസരിചിരുന്നുവത്രേ. അപ്പോള്‍ ആ മന്ത്രി പറഞ്ഞതു, അയാം ഹെല്പ് ലെസ്സ്. അടുത്ത ലോക്സഭ തെരഞ്ഞെടുപ്പില്‍ നമുക്കു കേരളത്തില്‍ നിന്നു ട്വെന്റി സീറ്റുകള്‍ കിട്ടാന്‍ മറ്റു മാര്‍ഗ്ഗങ്ങള്‍ ഇല്ല എന്നത്രേ. ഈ കേട്ടറിവ് ശരിയായാലും ഇല്ലെങ്കിലും കൊണ്ഗ്രെസിന്റെ സമ്മര്‍ദ്ദം കൊണ്ടാണ് സ. പിണറായി പ്രതി ചെര്‍ക്കപ്പെട്ടതെന്നു വ്യക്തം. എന്നിട്ട് പോലും ഗുരുതരം എന്ന് പറയാന്‍ കഴിയുന്ന ഒന്നും കണ്ടെത്താനും കഴിഞ്ഞില്ല.

വിചിത്രമായ ഒരു കാര്യം. ഒരു മന്ത്രിയോ മറ്റോ രാജി വയ്ക്കണം എന്ന് പറഞ്ഞു മറ്റു പാര്ടികാര് കോലാഹലം ഉണ്ടാക്കുന്നത് മനസിലാക്കാം. ഇവിടെ ഇപ്പോള്‍ കൊണ്ഗ്രെസ്സും മറ്റു ചില പാര്‍ട്ടികളും പിണറായിയുടെ രാജി ആവശ്യപ്പെടുകയാണ്. സി. പി. എമിന്റെ സെക്രട്ടറി ആരായിരിക്കണം എന്ന് മറ്റു പാര്ടിക്കരാണോ തീരുമാനിയ്ക്കുന്നത്? വിചിത്രം ! പിണറായി ഇപ്പോള്‍ രാജി വയ്ക്കുന്നില്ല .മാര്‍ക്സിസ്റ്റു പാര്‍ടി പിരിച്ചു വിടാനും പോകുന്നില്ല. ഒലത്തണം എന്നുള്ളവര്‍ അങ്ങ് ഒലത്തിനെടേയ്! അല്ലപിന്നെ.

ലേഖനം- പുനത്തിലാന്‍ പറഞ്ഞതു കേട്ടില്ലേ?

ലേഖനം

പുനത്തിലാന്‍ പറഞ്ഞതു കേട്ടില്ലേ?

അബ്ദുള്ള എന്ന പേരു കണ്ടിട്ട് പുനത്തിലാനെ എപ്പഴോ ബാംഗ്ലൂര്‍ എയര്‍പോര്‍ട്ടില്‍ വച്ചു തടഞ്ഞു നിര്‍ത്തീന്ന്; പുനത്തിലാനു മാത്രമല്ല , അത് ബാംഗ്ലൂരില്‍ മാത്രവുമല്ല ഇന്ത്യയുടെ നാനാഭാഗങ്ങളിലും പല മുസ്ലിമീങ്ങള്‍ക്കും പലപ്പോഴും ഈ അനുഭവം ഉണ്ടാകുന്നുണ്ട്. ഇപ്പോള്‍ . ക്രിസ്ത്യാനികള്‍ക്കും .

ബാന്ഗ്ലൂരില്‍ അഞ്ചുനേരം നിസ്കരിയ്ക്കാന്‍ പോകുന്നവരെയൊക്കെ പോലീസുകാര്‍ പോലും സംശയത്തോടെ നോക്കുകയും കണ്ണുരുട്ടുകയും ചെയ്യുന്നുവെന്നാണ് കേട്ടു കേള്‍വി.

ഉത്തരേന്ത്യന്‍ സംസ്ഥാനങ്ങളിലോക്കെ വളരെ നേരത്തെ തന്നെ മുസ്ലിം നാമം കേട്ടാല്‍ പോലീസുകാര്‍ ദ്വേഷ്യത്തോടെ ' Are you a muhammadeeyan ? ' എന്ന് ചോദിയ്ക്കുമത്രേ!

രാഷ്ട്രീയമായി ആര് ഭരണത്തില്‍ ഉപവിഷ്ടരായിരുന്നാലും മിക്ക സംസ്ഥാനങ്ങളിലും സംഘ പരിവാര്‍ ശക്തികളാണ് പ്രായോഗികമായി ഭരിയ്ക്കുന്നത്. എല്ലാ പ്രദേശങ്ങളിലും അവര്‍ രാഷ്ട്രീയേതര സമാന്തര ഭീകര ഭരണം നടത്തിപ്പോരുകയാണ്. ഇപ്പോള്‍ അതിന് ആക്കം കൂടിയെന്നേയുള്ളു. ഇനി ആര്ക്കും അവരെ നിയന്ത്രിക്കാനാകില്ല.

ഇപ്പോള്‍ ബജ്രംഗ്ദളിനെ നിരോധിക്കണം എന്ന് പറയുന്നവരുണ്ട്. നിരോധിയ്ച്ചാല്‍ വേറെ ഏതെങ്കിലും വേഷ ഭാവത്തില്‍ വളരുകയെ ഉള്ളൂ. അല്ലെങ്കില്‍ തന്നെ നിരോധിയ്ക്കാന്‍ ആര്‍ക്കു ധൈര്യം? ഇനി നിരോധിച്ചാലും അവര്‍ പ്രവര്‍ത്തിച്ചാല്‍ ആ വിവരം ആര് റിപ്പോര്‍ട്ട് ചെയ്യും?

കേരളത്തിലും ബംഗാളിലും ത്രിപുരയിലും സി.പി. എമ്മുകാരെന്കിലും കാണുമെന്നു പറയാം. എല്ലാവരും കൂടി അവരെ കൊന്നോടുക്കിയില്ലെന്കില്‍ ! ഇനി നിരോധിയ്ക്കപ്പെട്ട ബജ്രന്ഗ്ദള്‍ പ്രവര്‍ത്തിച്ചാല്‍ അവരെ പിടി കൂടുന്നത് ആരാ? പോലീസോ? ഹ!ഹ!ഹ! കേരളത്തിനു പുറത്തെ പോലീസ് എന്നാല്‍ .......പറയേണ്ടല്ലോ!

വേറൊന്ന്, ബജ്രന്ഗ് ദള്‍ മാത്രമല്ലല്ലോ വര്‍ഗീയ ഫാസിസ്റ്റുകള്‍; ആര്‍.എസ്. എസും മാറ്റുമോ? ശിവസേനയോ? അവരൊക്കെ മതേതരക്കാരാണോ? വര്‍ഗീയ ഫാസിസ്റ്റുകളായ എന്‍. ഡി എഫ്. പോലെയുള്ള മുസ്ലിം ഫാസിസ്റ്റുകളേയോ? അവരെപ്പിന്നെ ആര് നിരോധിയ്ക്കും? നിരോധിയ്ക്കുമ്പോള്‍ സര്‍വത്ര നിരോധിയ്ക്കണ്ടേ? (ഇനിയിവിടെ ആരും ഹിന്ദുത്ത ശക്തികളെ ഒരു ചുക്കും ചെയ്യാന്‍ പോകുന്നില്ല.അത് വേറെ കാര്യം)

ഒരു നിനോധനം കൊണ്ടൊന്നും തീര്‍ക്കാവുന്ന തരത്തിലല്ല കാര്യങ്ങളുടെ കിടപ്പ്.

ഇപ്പോളൊരു ഹിന്ദുരാഷ്ട്രത്തിന്റെ മട്ടും മാതിരിയും തന്നെ! ഇനി സാങ്കേതികമായി കേന്ദ്രത്തിലെ ഭരണം കൂടി കൈ വാരികയെ വേണ്ടൂ. ഒരു ഫാസിസ്റ്റ് മതാധിപത്യ രാഷ്ട്രത്തില്‍ ജീവിക്കുവാന്‍ മനസ്സും ശരീരവും പാകപ്പെടുത്തുക. ഒരറ്റത്തുനിന്നു ഉന്മൂലനം ചെയ്തു ചെയ്തു വരികയാണ്. ആരുണ്ടിവിടെ ചോദിയ്ക്കാന്‍?

ഒറീസയില്‍ ക്രിസ്ത്യാനി വേട്ട, ചര്‍ച്ച കേരളത്തില്‍ മാര്‍ക്സിസ്റ്റു വിരുദ്ധ അരമനകളില്‍! മാര്‍കക്‍സിസ്റ്റുകള്‍ നിരീശ്വരന്‍മാരല്ലേ അല്ലെ? അവരല്ലേ യഥാര്‍ഥ ശത്രുക്കള്‍! വേണം അവരുടെ ചോര!

ഹിന്ദുത്വക്കാരുടെ ഒന്നാം ശത്രു മുസ്ലീംങ്ങളോ, ക്രിസ്ത്യാനികളോ, അല്ല, കമ്മ്യൂണിസ്റ്റുകള്‍ ആണ്. അവരാണല്ലോ,ന്യൂനപക്ഷങ്ങള്‍ക്ക് വേണ്ടി പ്രതിരോധവുമായി വരിക ! അവരെ നിഷ്കാസനം ചെയ്തിട്ട് വേണമല്ലോ ആര്ക്കും മതരാഷ്ട്രം ഉണ്ടാക്കാന്‍.

പക്ഷെ ഇപ്പൊ, ഇത്തിരിപ്പോന്ന മൂന്നു സംസ്ഥാനങ്ങളുടെ പച്ചയില്‍ കിടന്നു വിലസുന്ന കമ്മ്യൂണിസ്റ്റുകളൊന്നും ഇവിടത്തെ മത ന്യൂനപക്ഷങ്ങളെ ഇല്ലായ്മചെയ്യുന്നതിണോ ഹിന്ദുരാഷ്ട്രം സ്ഥാപിയ്ക്കുന്നതിനോ വലിയ പ്രതിബന്ധമല്ല. ക്രിസ്ത്യാനികളെയും മുസ്ലീങ്ങലെയുമൊക്കെ കൊന്നൊടുക്കുന്ന കൂട്ടത്തില്‍ തന്നെ അവരെക്കൂടി അങ്ങ് തീര്ത്തു തീര്ത്തു വന്നാല്‍ പോരെ?

കേരളത്തിലൊക്കെ ആര്‍. എസ്. എസുകാരെ ജീവന്‍ കൊടുത്തും ബ്ലോക്കു ചെയ്തു നില്ക്കുന്ന സി. പി. എമ്മുകാരെ കൊന്നു തീര്ത്തു സഹായിക്കാന്‍ എന്‍.ഡി എഫ് പോലുള്ള മുസ്ലിം ഫാസിസ്റ്റ് സംഘടനകള്‍ കൂടിയുള്ളപോള്‍ എളുപ്പമായി.

ഇന്ത്യയില്‍ ഇനി എണ്ണപ്പെടുന്ന സംസ്ഥാനങ്ങളില്‍ ഒഴികെ എല്ലായിടത്തും ഹിന്ദുത്വ വാദികളുടെ ഭരണമാണ് വരാനിരിയ്ക്കുന്നത്. കേന്ദ്രത്തിലാകട്ടെ അധികാരത്തില്‍ ഏറാന്‍ , അതിന് മാത്രമായി ഒരു രക്ത ചൊരിച്ചിലിന്റെ ആവശ്യം വരുന്നില്ല. തികച്ചും ജനാധിപത്യ മാര്‍ഗത്തിലൂടെ തന്നെ അത് സാധിയ്ക്കും. കാരണം ബി. ജെ. പിയ്ക്ക് എതിര് നില്‍ക്കാന്‍ ആരും ഇല്ലാല്ലൊ!

കോണ്ഗ്രസ് എന്നെ പടം മടങ്ങി. അല്ലെങ്ങ്കില്‍ത്തന്നെ വര്‍ഗീയതയ്ക്കെതിരെ കോണ്ഗ്രസ് എന്ത് ചെയ്യാന്‍ ?എന്ത് ചെയ്തിട്ടുണ്ട്?

ഇവിടെ പറഞ്ഞുവന്നത്, സംഗതി നിസാരമായി കാണേണ്ട. ഹിന്ദുവല്ലാത്ത ആരും ഇപ്പോള്‍ അരക്ഷിതാവസ്ഥയില്‍ ആണ്. ഇസ്ലാമിക ഭീകരതയ്ക്കും ഈ അവസ്ഥയുണ്ടാക്കുന്നതില്‍ ഉത്തരവാദിത്വം ഉണ്ട്.

കേരളത്തിന് പുറത്തുള്ള പ്രബുധരല്ലാത്ത ബഹുഭൂരിപക്ഷം ഹിന്ദുക്കള്‍ മുസ്ലിങ്ങളെ കാണുന്നത് രാജ്യത്തിന് പുറത്തുള്ളവവരായിട്ടാണ്. ഇതു അവരുടെ കുറ്റം അല്ല. അങ്ങനെയൊക്കെയാണ് പഠിപ്പിച്ചുവച്ചിരിയ്ക്കുന്നത്.ചിലയിടത്ത് മുസ്ലിങ്ങളാകട്ടെ പാകിസ്ഥാന്‍ പൌരന്മാരെപോലെയാണ് പെരുമാറുന്നത് എന്നതും കാണണം.

ക്രിസ്ത്യാനികള്‍ക്ക് ലോകം മഴുവന്‍ ക്രിസ്റ്റ്യാനികളുടേതാക്കണം. മുസ്ലീങ്ങള്‍ക്ക് ലോകം മുഴുവന്‍ ഇസ്ലാമികമാക്കണം. ഹിന്ദുക്കള്‍ക്ക് ഹിന്ദുരാഷ്ട്രം വേണം. ചുരുക്കത്തില്‍ മനുഷ്യന് എങ്ങും സ്വസ്ഥമായി ജീവിക്കാന്‍ പറ്റാതെയായി.

ഇന്ത്യയില്‍ ഹിന്ദുവിനും ക്രിസ്ത്യാനിക്കും സുരക്ഷിതത്വമില്ല. അതുകാരണം ഹിന്ദുവിന് ലോകത്തൊരിടത്തും സുരക്ഷിതത്വമില്ല. ഇതൊക്കെ എവിടെച്ചെന്നു അവസാനിക്കും എന്റെ( ഇല്ലാത്ത ) ദൈവമേ.....!

തുടങ്ങിയത് പേരിന്റെ പൊല്ലാപ്പിനെക്കുറിച്ചാണ്. ജനിയ്ക്കുന്ന കുട്ടികള്‍ക്ക് പേരു ഇടുമ്പോള്‍ ശ്രദ്ധിയ്ക്കുക. ജാതിയും മതവും തിച്ചറിയപ്പെടുന്ന പേരുകള്‍ ദയവായി അവര്‍ക്കു നല്‍കാതിരിയ്ക്കുക. ഭാവിയില്‍ അവര്‍ക്കു അത് ബുദ്ധിമുട്ടുകള്‍ ഉണ്ടാക്കും എന്ന് പറഞ്ഞുകൊണ്ട് ഈ ചിന്തകള്‍ ചുരുക്കുന്നു. .